Герольд Бельгер – «Дом скитальца»
Бұл роман – қазақ жеріне күштеп қоныс аударылған Еділ немістерінің басынан өткен трагедиялы тағдырын суреттейтін шығарма. «Қаңғыбастың үйі» деген мағынадағы туындыда 1941 жылы Қазақстанға депортацияланған неміс халқының жаңа ортаға бейімделу үрдісі, бастан кешкен қиыншылықтары шынайы бейнеленген. Бельгер өзі де сол ортада өскендіктен, шығарма немістердің ұлттық болмысын, қазақтармен арадағы достықты, бір жерге тағдыр айдаған халықтардың өзара түсіністігін терең ашады. Бұл роман – депортация тарихының өзіндік әдеби музейі іспетті бағалы еңбек.